BannerbildBannerbildBannerbild
Link verschicken   Druckansicht öffnen
 

Über uns

Wia kommts au, dass dr Josef ond Katja Wei obietet?

Ganz oifach erklärt. Dui Katja ond der Josef, trenket gern ammol a Gläsle Wei. Ond et bloß dia Zwoi. Om se rom, geits no so gschickte liabe Leit, dia dennt des au. No hen dia sich elle zemma do, ond dr Josef hot efters ammol a Palett Wei für elle bstellt. So hot jeder ebbas em Keller ghet. Dia oine hen schneller, dia andere langsamer tronka, ond so hen dia, bei denne dr Keller schneller leer war, uff dia andre warda missa, bis mr wieder nui bstellt hot. Dui Warterei, ond wenn mr sogar no uff an Wei omsteiga muaß, den mr om di Eck kaufa ko, ond der et so richtig schmeckt, war ogschickt. So entstand dui Idee mit dem WeinTipp. Ond jetzt koh jeder an Wei hola wie er will.

 

Wia kommt dr Preis zustande?

Kauft mr dr Wei em’ma ganza Karto, no zahlt mr gleichviel wie we’mr beim Weingut direkt bstella dät. Also hot mr koin Nochdoil. Will mr aber bloß oi oizige Flasch aus ma Karto, no misset mir leider fuffzig cent pro Flasch meh berechna.

 

Aber bassed uff, wer glei 3 Karto nemmt oder au no meh, der kriegt an Rabatt!

 

Ond zwar 10%.

WeinTipp

E-Mail:

 

Instagram weintipp_steini